१४ फागुन, काठमाडौं । भारतले मंगलबार पाकिस्तानी भूमिमा वायु यानद्वारा बम हमला गरेको र करिब ३ सय आतंककारी मारिएको बताए पनि पाकिस्तान सरकारले कुनै मानवीय क्षति नभएको बताएको छ ।
भारतीय विमान पाकिस्तानी नियन्त्रण रेखाभित्र बालाकोट क्षेत्रमा प्रवेश गरेको भन्दै पाकिस्तानले आपत्ति जनाएको छ ।
यसैवीच पाकिस्तानी सेनाका प्रवक्ता मेजर जनरल आसिफ गफूरले एक ट्विटमार्फत ४ वटा तस्वीरहरु सार्वजनिक गरेका छन् । ती तस्वीरमा भारतीय विमानले खसालेको बमले सल्लाका केही रुखहरु भाचिएका र जमीनमा खाल्डो परेको देखाइएको छ । साथै भारतीय विमानले खसाएको पेलोडको टुक्रासमेत तस्वीरमा देखाइएको छ ।
पाकिस्तानी सेनाका प्रवक्ता गफूरले भारतलाई पाकिस्तानले जवाफ दिने बताएका छन् । मंगलबार नै पाकिस्तानी सुरक्षा परिषदको आपतकालीन बैठक बसेको छ ।
पाकिस्तानी मिडियाहरुले पनि भारतीय विमान नियन्त्रण रेखाभित्र प्रवेश गरेको तर, कुनै मानवीय क्षति नभएको बताएका छन् ।
भारतीय मिडियाले भने तीन सय आतंककारी मारिएको बताएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg "Flat for Rent in Sundarbasti")
.jpeg "Office Space for Rent in Kamaladi")
प्रतिक्रिया 4