वेपत्ता बालकको भारतबाट उद्वार

१७ चैत, सप्तरी । तीन सातअघि सप्तरीबाट वेपत्ता भएका एक बालकलाई भारतको बिहार राज्य अन्तर्गत दरभंगाबाट उद्दार गरिएको छ ।

जिल्लाको राजगढ गाउँपालिका ६ का ११ बर्षीय राजुकुमार खंग वेपत्ता भएका थिए । गत चैत १ गते नै बेपत्ता भएका उनको व्यापक खोजी गरिएपनि फेला पर्न नसक्दा परिवारजनले प्रहरीमा जानकारी गराएका थिए ।

जानकारी गराएलगत्तै प्रहरीले भारतको दरभंगामा रहेको चाल पाएपछि जिल्ला बालकल्याण समितिको अगुवाइमा उनको उद्धार गरी आइतबार नेपाल ल्याइएको छ ।

भारतीय प्रहरी र बाल कल्याण समिति, दरभंगाको सहयोगमा बालकलाई सप्तरी ल्याइएको सप्तरी बाल कल्याण समितिका सदस्य बैद्यनाथ झाले जानकारी दिए ।

बालकको परिवारको जिम्मा लगाइएको बाल कल्याण समितिका संयोजकसमेत रहेका प्रमुख जिल्ला अधिकारी सुरेन्द्र पौडेलले जानकारी दिए ।