१४ चैत, काठमाडौं । अर्जेन्टिनामा जारी १२ औं संस्करणको विश्वकप फुटसलमा नेपाल आफ्नो पहिलो खेलमा पराजित भएको छ ।
मंगलबार भएको खेलमा नेपालले आफ्नो पहिलो खेलमा अमेरिकासँग २-१ गोलअन्तरले पराजित भएको हो । नेपालले एक गोल गरे पनि अमेरिकालाई रोक्न भने सकेन ।
तुलनात्मक रुपमा नेपालले उत्कृष्ट प्रदर्शन गर्यो । नेपालका लागि कप्तान समिर कार्कीले एक गोल फर्काएका थिए । त्यस्तै, गोलकिपर दिनेश श्रेष्ठले अमेरिकाको एक पेनाल्टी भने बचाएका थिए ।
समूह ‘डी’ मा रहेको नेपालले आफ्नो दोस्रो खेल फ्रान्ससँग प्रतिस्पर्धा गर्नेछ ।