२९ चैत, काठमाडौं । पाकिस्तानको क्वेटामा भएको बम विस्फोटमा एक प्रहरीसहित १६ जनाको मृत्यु भएको छ ।
बलोचिस्तान प्रान्तको राजधानी क्वेटाको हजारगञ्ज इलाकामा स्थानीय समयअनुसार विहान करिव ८ बजे विस्फोट भएको हो ।
प्रहरीका अनुसार आक्रमणकारीले बजारमा रहेको पुलिस भ्यानलाई निशाना बनाएर विस्फोट गराएको थियो । प्रहरी डीआईजी अब्दुल रज्जाक चिमाले भने, जब सुरक्षाबलको गाडी तरकारी बजारमा आलुको पसल अगाडि पुग्यो, त्यही बेला विस्फोट भयो ।’
विस्फोटमा घाइते भएकाहरुलाई अस्पताल लगिएको छ ।
