काठमाडौं । लुकास मौराको हृयाट्रिकको मदतमा टोटनहृयामले रेलिगेशनमा परेको हडर्सफिल्डमाथि सहज जित निकालेको छ ।
शनिबार भएको खेलमा टोटनहृयामले हडर्सफिल्डमाथि ४-० गोल अन्तरको जित निकालेको हो । उसले खेलको २४ औं मिनेटमा भिक्टर वान्यामाको गोलबाट अग्रता लिएको थियो ।
चार मिनेटपछि नै लुकास मौराले गोल गरे । बाँकी दुई गोल भने दोस्रो हाफको अन्त्यतिर भयो । ८७ औं मिनेटमा दोस्रो गोल गरेका मौराले इन्जुरी टाइममा हृयाट्रिक पुरा गरे ।
जितसँगै टोटनहृयाम ३३ खेलबाट ६७ अंकका साथ पि्रमियर लिगको तेस्रो स्थानमा उक्लिएको छ भने रेलिगेशनमा परिसकेको हडर्सफिल्डको ३४ खेलबाट १४ अंक छ ।