२०७६ वैशाख १० गते २१:०२ 
१० वैशाख, काठमाडौं । आठौं राष्ट्रिय खेलकुद प्रतियोगिता अन्तर्गत महिला क्रिकेटको उपाधि एपीएफ क्लबले जितेको छ ।
दाङको लमहीमा भएको फाइनल खेलमा प्रदेश १ लाई ८७ रनको फराकिलो अन्तरले पराजित गर्दै एपीएफले उपाधि उचालेको हो । टस जितेर ब्याटिङ गरेको एपीएफले निर्धारित २० ओभरमा सबै विकेटको क्षतिमा १२८ रन बनाएको थियो । एपीएफका लागि ज्योति पाण्डेले ४५ र सिता रानामगरले ४२ रन बनाएका थिए । बलिङतर्फ प्रदेश १ की रुविना क्षेत्री, सवनम राई र संगिता राईले समान ३–३ विकेट लिए ।
१२९ रनको चुनौती पछ्याउँदै ब्याटिङ गरेको प्रदेश एकले १९.४ ओभरमा सबै विकेटको क्षतिमा मात्र ४१ रन बनाउन सक्यो । प्रदेश एकका लागि रश्मि शर्मा चौलागाईँले अविजित २७ रन बनाइन् तर अन्य खेलाडी सस्तैमा समेटिदा प्रदेश एकले नमिठो हार ब्यहोरेको हो ।
ब्लिङतर्फ एपीएफकी रितु कनोजिया, सरिता मगर र सीता राना मगरले समान २–२ विकेट लिए ।
प्रतिक्रिया 4