काठमाडौं । अखिल नेपाल फुटबल संघ (एन्फा)ले अन्तर स्कुल फुटबल प्रतियोगिता गर्ने भएको छ । आधारभूत तहदेखि नै फुटबलको विकास गर्ने उद्देश्यले स्कुल लेभलबाट प्रतियोगिता गराउन लागिएको हो ।
प्रतियोगिताको पहिलो चरणमा सात प्रदेशका ५२ जिल्लाका करिव १५०० स्कुल सहभागी हुनेछन् । त्यसपछि प्रदेश स्तरीय प्रतियोगिता हुनेछ । प्रदेशबाट छनोट भएका स्कुलबीच राष्ट्रिय प्रतियोगिता हुनेछ ।
छात्र र छात्रार्फ आयोजना हुने प्रतियोगिताको लागत अनुममान एक करोड ५० लाख छ । प्रतियोगिताका लागि एन्फा र चौधरी ग्रुपबीच सम्झौता भएको छ । सम्झौतालाई एन्फाले एतिहासिक भनेको छ ।
