२० वैशाख, काठमाडौं । कागिसो रबडाले इन्डियन प्रिमियर लिग (आईपीएल) क्रिकेटको बाँकी खेल नखेल्ने भएका छन् ।
दिल्लीले आज सामाजिक सञ्जालमा पोष्ट गर्दै जारी आईपीएलको बाँकी खेल रबडाले नखेल्ने उल्लेख गरेको छ । मे ३० देखि इंग्ल्यान्ड र वेल्समा हुने विश्वकप क्रिकेट नजिकिदै गर्दा दक्षिण अफ्रिकाले रबडालाई टिममा बोलाएको हो ।
टिममा परेका खेलाडीलाई दक्षिण अफ्रिकाले विश्वकपअघि आफ्ना खेलाडी घाइते हुनसक्ने भन्दै बोलाएपछि रबडा दिल्ली क्यापिटल्सको बाँकी खेल छोडेर गएका हुन् ।
जारी आईपीएलमा रबडा सर्वाधिक विकेट लिने खेलाडी हुन् । तिब्रगतिका बलर रबडाले जारी आईपीएलमा १२ खेलबाट २५ विकेट लिएका छन् । उनको बलिङ इकोनोमी ७.८२ रहेको छ ।