२३ वैशाख, काठमाडौं । सोमबार साँझ काठमाडौंको कोटेश्वरमा भेटिएको शंकास्पद वस्तु बम नभएको पुष्टि भएको छ ।
कोटेश्वर चोकबाट तीनकुनेतर्फ मिनी ट्रकहरु पार्किङ गरेको ठाउँमा भेटिएको झोलामा विस्फोटक पदार्थ नभएको पुष्टि भएको महानगरीय प्रहरी वृत्त नयाँ बानेश्वरका डीएसपी गोविन्द काफ्लेले जानकारी दिए ।
‘झोलामा विस्फोटक पदार्थ नभएको पुष्टि भएको छ’ उनले भने । सोमबार साँझ शंकास्पद झोला भेटिएपछि नेपाली सेनाको बम डिस्पोजल टोलीलाई बोलाइएको थियो ।
साँझको समयमा सडक नजिकै शंकास्पद वस्तु भेटिँदा कोटेश्वर क्षेत्रको यातायात असहज भएको थियो । तीनकुनेबाट कोटेश्वरतर्फ जाने सडक केहीबेर बन्द भएको थियो ।
