१५ जेठ, हुम्ला । हुम्लाको हिल्सा नाकामा एकजना भारतीय तीर्थयात्रीको मृत्यु भएको छ । रसुवा केरुङ नाका हुँदै मानसरोवर कैलाश दर्शन गरी फर्कने क्रममा भारतको तामिलनाडुका ६३ वर्षीय रपुनाथ भेलुको लेक लागेर मृत्यु भएको हो ।
मृतकको शव हुम्ला सदरमुकामस्थित सिमकोट अस्पतालमा राखिएको छ । उनकी श्रीमती पनि साथमा छिन् ।
उनको सोमबार राति नै निधन भए पनि ढिलो गरी जानकारी भएको प्रहरीले बताएको छ । उनको दाहसंस्कार खार्पुनाथ दोभानमा गरिने प्रहरी नायब उपरीक्षक रामप्रसाद घर्ती मगरले बताए ।
