३ असार, काठमाडौं । टी-२० विश्वकप छनोटको एसिया फाइनल खेल्ने नेपालको प्रारम्भिक टोली घोषणा भएको छ ।
उमेश पटवाल राष्ट्रिय टोलीको प्रशिक्षक नियुक्त भएपछि कप्तान पारस खड्काको कप्तानीमा २५ सदस्यीय टोली घोषणा भएको हो ।
छनोट हुने खेलाडीमा कप्तान पारससँगै उपकप्तान ज्ञानेन्द्र मल्ल, अविनाश बोहरा, अमित श्रेष्ठ, बसन्त रेग्मी, भीम शार्की, विनोद भण्डारी, दीपेन्द्रसिंह ऐरी, जितेन्द्र मुखिया, करण केसी, कुशल भुर्तेल, ललित भण्डारी र ललितनारायण राजवंशी छन् ।
त्यस्तै, आरिफ शेख, नन्दन यादव, पवन सर्राफ , प्रदीप ऐरी, राजु रिजाल, रोहित कुमार पौडेल, सन्दीप लामिछाने, शाहव आलम, शरद भेषवाकर, सोमपाल कामी, सन्दीप जोरा र सुशान भारी पनि टिममा छन् । बन्द प्रशिक्षण बिहीबारबाट सुरु हुनेछ ।
नेपाली टोली तयारीका क्रममा विदेश भ्रमणमा समेत जाने तयारी छ ।