Comments Add Comment

सुधारियो सेयर बजार, साढे ३७ करोडको कारोबार

५ असार, काठमाडौं । साताको अन्तिम कारोबार बिहीबार सेयर बजारमा सुधार आएको छ । बिहीबार नेप्से परिसूचक ५.९० अंकले सुधार भएर १ हजार २ सय ६४ दशमलव ३६ अंकमा पुगेको छ ।

यस अघि बुधबार सेयर बजार २ अंक बढीले ओरालो लागेको थियो ।

नेप्से परिसूचकसँगै कारोबार रकममा समेत बिहीबार सुधार भएको छ । दिनभर भएका ५ हजार ३ सय ४२ कारोबारट १७१ कम्पनीका १३ लाख ७५ हजार ५ सय ४१ कित्ता सेयर किनबेच भएका छन् ।

जसअनुसार कारोबार रकम ३७ करोड ५३ लाख १५ हजार २०४ रुपैयाँ पुगेको नेपाल स्टक एक्सचेञ्जले बताएको छ । यसअघि बुधबार ३० करोड रुपैयाँको सेयर कारोबार भएको थियो ।

कारोबार रकमका आधारमा आज शिवम् सिमेन्ट पहिलो नम्बरमा देखिएको छ । यसको ३ करोड रुपैयाँ भन्दा बढीको सेयर किनबेच भएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment