६ असार, काठमाडौं । टी-२० विश्वकप क्रिकेटको एसिया क्षेत्र छनोटको अन्तिम चरणमा सिंगापुरले जित हात पारेको छ ।
घरेलु टोली सिंगापुरले कतारलाई ३३ रनले पारजित गरेको हो । १८७ रनको लक्ष्य पछ्याउँदै ब्याटिङ गरेको कतारले निर्धारित २० ओभरमा ९ विकेटको क्षतिमा १५३ रन मात्रै बनाउन सक्यो ।
कतारका लागि कप्तान तमोर सज्जादले ३४ र मोहम्मद रिज्लानले ३३ रन बनाएपनि सिंगापुरलाई हराउन सकेन । सिंगापुरका लागि अमजाद मेहबुब र जनक प्रकासले समान ३-३ विकेट लिए ।
यसअघि टस जितेर पहिले ब्याटिङ गरेको सिंगापुरले निर्धारित २० ओभरमा सात विकेटको क्षतिमा १८६ रन बनाएको थियो । सिंगापुरका लागि सुरेन्द्रन चन्द्रमोहनले ४७ रन बनाए ।
नेपालले भने आफ्नो पहिलो खेलमा भोलि कतारसँग प्रतिस्पर्धा गर्दैछ ।
