१२ साउन, काठमाडौं । ग्यारेथ बेल चिनियाँ क्लब जाने प्रक्रियालाई रियल मड्रिडले रद्ध गरेको छ ।
स्पेनिस क्लब रियलले बेललाई चीन नपठाउने निर्णय गरेसँगै उनी रियल मै बस्ने भएको बीबीसीले लेखेको छ । तीन वर्षका लागि बेल चिनियाँ क्लब जियाङसु सुनिङ जाने मौखिक सम्झौता भएको थियो । बेलले चिनियाँ क्लबबाट साताको १ मिलियन पाउण्ड पाउने शर्तमा जान लागेका थिए । तर अन्तिम समयमा आएर रियलले यो सम्झौता रद्द गरेको हो ।
केहि दिनअघि मात्रै मुख्य प्रशिक्षक जिनेदिन जिदानले बेलले चाँडै छाड्ने बताएका थिए । तर चिनियाँ क्लब पठाउने प्रक्रियालाई रोकेपछि बेल रियल मै रहन्छन् कि कुनै क्लब जान्छ भन्ने प्रश्न उठेको छ ।
त्यसो त रियल मड्रिडमा सन् २०१३ मा कीर्तिमानी मुल्य ८५ मिलियन पाउण्डमा टोटेनहमबाट आएका रियलको सम्झौता अझै तीन वर्षको रहेको छ ।
