काठमाडौं । युभेन्टसका स्ट्राइकर पाउलो डिबालालाई भित्र्याउने होडबाट म्यानचेष्टर युनाइटेड बाहिरिएको छ ।
सुरुमा रोमेलु लुकाकु युभेन्टस जाने र डिबालासहित अर्का एक खेलाडी यता आउने गरी कुराकानी भएको थियो ।
यद्यपि, डिबालाले आउनेमा शंका लागेपछि युनाइटेडले अर्जेन्टिनी स्ट्राइकरको तलबबारे सोधेको थियो । डिबालाले धेरै तलब माग गरेका छन् ।
प्रशिक्षक ओले गनर सोल्सायरले युवा र भोका खेलाडीहरुलाई प्राथमिकता दिएका छन् र युनाइटेडका अधिकारीहरुले डिबालालाई भित्र्याउन थप सम्वाद नगर्ने निष्कर्ष निकालेको छ ।
डिबाला २०१५ मा युभेन्टस गएका थिए र गत सिजन क्लबका लागि १० गोल गरे ।
युभेन्टस र युनाइटेडबीच सहमति हुन नसकिरहेका बेला इन्टर मिलानका प्रशिक्षक एन्टोनिओ कोन्टेले भने लुकाकुलाई भित्र्याउन सक्नेमा आशावादी देखिएका छन् ।
