२२ साउन, काठमाडौं । भूमि व्यवस्था, सहकारी तथा गरिबी निवारणमन्त्री पद्यमा अर्यालले बालुवाटार (ललितानिवास)को जग्गा प्रकरणलाई सरकारले ओझेलमा नपार्ने स्पष्ट पारेकी छन् ।
रिपोर्टस् क्लवमा आयोजित साक्षात्कारमा मन्त्री अर्यालले तीनवटा निकायबाट छानबिन र अनुसन्धानको काम भैरहेको भन्दै यो प्रकरण ओझेलमा नपर्ने बताएकी हुन् ।
अख्तियार, भूमि व्यवस्था मन्त्रालय र सीआईबी तीनवटै निकायले आ-आफ्नो ढंगले काम गरिरहेको उनको भनाइ छ । ‘सबैले आ-आफ्नो ढंगले काम गरिरहेका छौं । त्यही भएर अलिक समय लागेको हो । अब धेरै लामो समय जाँदैन् ।’
मन्त्री आर्यालले यो प्रकरणमा कारबाहीको लागि केही ढिलाइ भए पनि दोषीहरु नउम्किने दाबी गरिन् । ‘जनताले यो प्रकरणमा जुन अपेक्षा गरेका छन्, त्यहीअनुसारको नतिजा आउँछ,’ उनले अघि भनिन् ।
