२८ साउन, चितवन । श्रीमती हुँदा हुँदै दोस्रो विवाह गरेको आरोपमा चितवन प्रहरीले एक दम्पतीलाई पक्राउ गरेको छ ।
रत्ननगर नगरपालिका ९ का राजेश गुरुङले भरतपुर लायन्सचोक बस्ने रश्मी सुनारसँग विवाह गरेको जाहेरीका आधारमा उनीहरु दुवैलाई पक्राउ गरिएको छ ।
गुरुङकी श्रीमतीले जिल्ला प्रहरी कार्यालयमा किटानी जाहेरी दिएपछि उनीहरुलाई पक्राउ गरिएको प्रहरी प्रवक्ता एकनारायण कोइरालाले जानकारी दिए ।
मुलुकी अपराध सहिता २०७४ को परिच्छेद २१ को दफा १२१ अन्तर्गत वहुबिवाहसम्बन्धी कसुरमा थप अनुसन्धान गर्न भन्दै जिल्ला अदालतबाट ५ दिनको म्याद थप गरिएको छ ।