५ भदौ, काठमाडौं । एभीसी पुरूष सिनियर सेन्ट्रल जोन भलिबल च्याम्पियनसिपको उपाधिका लागि किर्गिस्तान र उज्बेकिस्तानबीच प्रतिस्पर्धा हुने भएको छ ।
लगनखेलस्थित आर्मी कभर्डहलमा बिहीबार सम्पन्न सेमिफाइनल खेलमा किर्गिस्तानले तुर्कमेनिस्तानलाई र उज्बेकिस्तानले माल्दिभ्सलाई पराजित गर्दै फाइनलमा प्रतिस्पर्धा गर्ने भएका हुन् ।
पहिलो सेमिफाइनलमा किर्गिस्तानले तुर्कमेनिस्तानलाई ३–० को सोझो सेटमा पराजित गर्न सफल भयो । किर्गीस्तानले सहज रुपमा पराजित गर्ने क्रममा तुर्कमेनिस्तानलाई २५–१७, २५–१८ र २५–२२ को सेटमा हराएको हो ।
त्यस्तै, दोस्रो सेमिफाइनलमा पनि उज्बेकिस्तानले माल्दिभ्सलाई ३–० कै सोझो सेटमा पराजित गर्न सफल भयो । उज्बेकिस्तानले माल्दिभ्सलाई २५–२०, २५–१९ र २५–२१ को सेटमा पराजित गर्दै फाइनल प्रवेश गरेको हो ।
किर्गिस्तान र उज्बेकिस्तानबीचको खेल यही शनिबार हुदैछ ।