बलिउड अभिनेता शाहरुख खानकी छोरी सुहाना खान न्यूयोर्क यूनिभर्सिटीमा भर्ना भएकी छन् । न्यूयोर्क यूनिभर्सिटीलाई विश्वकै उत्कृष्ट विश्वविद्यालयमध्येको एक मानिन्छ । त्यसैले पनि सुहानाको उक्त विश्वविद्यालयमा भएको एड्मिसनलाई विशेष मानिएको छ ।
उक्त विश्व विद्यालयमा सुहानाले स्नातक तहको अध्ययन गर्नेछिन् । एउटा समाचारमा जनाइए अनुसार सुहानाले फिल्म विषयमा स्नातक गर्न लागेकी हुन्। त्यसो त सुहानाले नियमित रुपमा कक्षा लिन थालिसकेकी छिन् ।
त्यसअघि उनले इङ्गल्याण्डको आर्डिगली कलेजबाट ग्राजुएसन गरेकी थिइन् । गत जून महिनामा शाहरुख खान, उनकी श्रीमती गौरी तथा कान्छा छोरा अबराम, सुहानाको ग्राजुएसन सेरोमनीमा भाग लिन बेलायतको ससेक्स पुगेका थिए । त्यहाँ सुहानालाई उनको ड्रामा सोसाइटीमा भाग लिएका कारण अवार्ड समेत प्रदान गरिएको थियो ।
यसैबीच, यही बेला सामाजिक सञ्जालमा शाहरुख खानकी छोरीको एउटा भिडियो सार्वजनिक भएको छ, जसमा उनी न्यूयोर्क यूनिभर्सिटीको भर्याङ उक्लिरहेको देखिएको छ । त्यसक्रममा सुहानाले डेनिम शर्ट्स तथा सेतो टिसर्ट र स्नीकर्स लगाएकी छिन् । त्यसअघि सार्वजनिक भएको एउटा समाचार अनुसार न्यूयोर्कको पढाइ पूरा भएपछि सुहाना बलिउड प्रवेश गर्ने सम्भावना प्रवल छ ।
त्यसो त सुहाना चाँडै नै एउटा छोटो फिल्ममा देखिने सम्भावना छ, जसको पोस्टर हालै मात्र भाइरल भएको थियो । पोस्टरमा सुहानाले कालो र नीलो पहिरन लगाएर मुस्कुराइरहेको देखिन्छ । सुहाना इन्स्टाग्राममा निकै सक्रिय छिन्, जहाँ उनी नियमित रुपमा तस्वीर सार्वजनिक गरिरहन्छिन् ।
