२३ भदौ, वीरगञ्ज । वीरगञ्जमा करेन्ट लागेर एक जनाको मृत्यु भएको छ । वीरगञ्ज महानगरपालिका ३२ बर्षका अजय दासको मृत्यु भएको हो ।
आइतबार साँझ सवा ६ बजेतिरको समयमा वीरगञ्ज -१५ ब्रम्हचौकमा स्थानीय माइक मेहताले बनाउँदै गरेको ओम होटल एण्ड पार्टी प्यालेसमा विद्युतको काम गर्ने क्रममा अचानक करेन्ट लागि घाइते भएका थिए ।
घाइते अवस्थामा उपचारको लागि नेशनल मेडिकल कलेज वीरगञ्जमा लगिएकोमा उपचारको क्रममा मृत्यु भएको जिल्ला प्रहरी कार्यालय पर्साले जनाएको छ । प्रहरी टोलीले घटनास्थल लासजाँच मुचुल्का लगायतका प्रारम्भिक अनुसन्धान पछि शव पोष्टमार्टमका लागि नारायणी अस्पताल पठाएको छ ।
