३० भदौ, वीरगञ्ज । वीरगञ्ज महानगरपालिकाका नगर प्रमुख विजय कुमार सरावगीले कुनैपनि बालबालिकालाई विद्यालयको पहुँच बाहिर रहन नदिने बताएका छन् । शिक्षा पाउनु बालबालिकाको मौलिक अधिकार भएकोले महानगरपालिकाले त्यसलाई पूरा गर्ने उनको भनाइ छ ।
वीरगञ्ज–१ स्थित पण्डित रामदेनी तिवारी आधारभूत विद्यालयमा सोमबार पढाइ मेला आयोजना गरिएको थियो । सोही कार्यक्रममा नगर प्रमुख सरावगीले आजका बालवालिका नै भबिष्यको कर्णाधार भएकोले सबै बालवालिका विद्यालयसम्म पुग्ने वातावरण बनाउन महानगरपालिकाले हर सम्भव प्रयास गरिरहेको बताए ।
कार्यक्रममा उपप्रमुख शान्ति कार्कीले विद्यालयको भौतिक संरचना पुरानो भएकोले महानगरपालिकाले सहयोग गर्नु आवश्यक देखिएको बताइन् ।
