१३ असोज, काठमाडौं । लेष्टर सिटीले इंग्लिस प्रिमियर लिग फुटबलमा न्युक्यासल युनाइटेडलाई फराकिलो अन्तरले पराजित गरेको छ ।
आइतबार राति भएको खेलमा लेष्टरले न्युक्यासललाई ५-० गोलअन्तरले पराजित गरेको हो । लेष्टरको यो सिजनको चौथो जित हो ।
लेष्टरको जितमा जेमी भार्डीले दुई, रिकार्डो परेरा, विलफ्रेड नदिदीले समान १-१ गोल गरे । न्युक्यासलका पाउल डुम्मेटले आत्मघाती गोल गरेपछि एक गोल लेष्टरले उपाहार स्वरुप पाएको थियो ।
खेलको १६ औ मिनेटमा रिकार्डोले गोल गर्दै लेष्टरलाई अग्रता दिलाए । खेलको ४३ औं मिनेटमा इसाक हायडेनले रातो कार्ड खाँदै मैदानबाट बाहिरिएपछि न्युक्यासल १० खेलाडीमा सीमित भएको थियो ।
खेलको ५४ औं मिनेटमा भार्डीले गोल गर्दै २-० गोलको अग्रता दिलाए । ५७ औं मिनेटमा न्युक्यासलका डुम्मेटले आत्मघाती गोल गरेपछि लेष्टर ३-० गोलले अघि रहृयो । त्यसपछि खेलको ६४ औं मिनेटमा भार्डी र ९० औं मिनेटमा नदिदीले गोल गर्दै लेष्टरलाई ५-० गोलको जित दिलाए ।
