१५ असोज, काठमाडौं । १३ औं दक्षिण एसियाली खेलकुद -साग)का लागि २० जना ब्याडमिन्टन खेलाडी छनोट भएका छन् ।
नेपाल ब्याडमिन्टन संघले राष्ट्रिय खेलकुद परिषद्को कभर्डहलमा भएको छनौट प्रतियोगिताबाट १० पुरुष र १० महिला गरी कुल २० खेलाडी छनोट गरेको हो ।
आठौं राष्ट्रिय खेलकुदबाट पहिलो चरणमा छनोट भएका १७ पुरुष र १७ महिला खेलाडीबाट सागको लागि छनोट गरेको संघका सचिव नविन बिक्रम शाहले जानकारी दिएका छन् ।
सोमबारबाट सुरु भएको छनोट प्रतियोगिताबाट पुरुषतर्फ रत्नजित तामाङ, दिपेश धामी, बिकास श्रेष्ठ, पि्रन्स दाहाल, नविन श्रेष्ठ, प्रफुल महर्जन, सुनिल जोशी, बिष्णु कटुवाल, जीवन आचार्य र साजन कृष्ण ताम्राकार छनोट भएका छन् ।
त्यस्तै महिलातर्फ नङ्शल तामाङ, रशिला महर्जन, जेशिका गुरुङ, सीमा राजवंशी, पूजा श्रेष्ठ, अनुमाया राई, अमिता गिरी, सिता राई, निता लम्साल र शोभा गौचन रहेका छन् ।
खेलाडीहरुलाई साग प्रतियोगिताको तयारीका क्रममा बाँकी समय पोखरामा बन्द प्रशिक्षण दिइने छ । १३ औं सागमा ब्याडमिन्टनको प्रतिस्पर्धा पोखरा रंगशालास्थित बहुउद्घेश्यीय कभर्डहलमा हुनेछ ।
