+
+

तपाईंको मेकअप किटमा हुनै पर्ने यी सात चिजहरु

अनलाइनखबर अनलाइनखबर
२०७६ असोज २६ गते ११:३६

कुनै पनि वैवाहिक समारोह होस् अथवा पार्टी, मेकअप गर्नु हरेकका लागि अति नै अनिवार्य हुन्छ । तर, घरमै मेकअप गर्नका लागि केही त्यस्ता आवश्यक चिजहरु नभईहुँदैन । जुन मेकअप किटमा हुनु अनिवार्य हुन्छ ।

यो सँग-सँगै यदि तपाईंको विवाहको मिति नजिकिरहेको छ र तपाईंले आफ्ना लागि मेकअप किट किन्ने योजना बनाउनुभएको छ भने केही कुराहरुमा ध्यान दिनु जरुरी छ । मेकअप किटमा के-के कुरा हुन्छ र के-के कुरा हुँदैन भन्ने बारेमा तपाईंलाई जानकारी नै नहुन सक्छ । आज हामी तपाईंहरुलाई मेकअप किटमा के-कुरा हुनुपर्छ भन्ने बारेमा जानकारी दिँदैछौं ।

प्राइमर

मेकअपलाई लामो समयसम्म टिकाइरहनका लागि प्राइमरलाई आफ्नो मेकअप किटमा राख्न बिर्सनु हुँदैन । यसले छालाको टोनलाई हल्का परफेक्ट देखाईदिन्छ । जसका कारण तपाईंको छाला कोमल तथा हराभरा देखिन्छ ।

बीबीरसीसी क्रीम

यदि तपाईंलाई फाउन्डेसन लगाउनु छैन भने त्यसको ठाउँमा तपाईंले बीबीरसीसी क्रमीको प्रयोग गर्न सक्नुहुनेछ । यसले फाउण्डेसनले झैं काम गर्नुका साथै अनुहारलाई पनि हराभरा बनाईराख्छ ।

गाजल

आँखालाई उत्कृष्ट देखाईदिनका लागि गाजलको प्रयोग अति नै अनिवार्य मानिन्छ । तपाईंको मेकअप किटमा कालो तथा चारकोलको ग्रे रंगको गाजल हुनुपर्छ । यसले हरेक किसिमको पहिरनसँग मेल खाने गर्छ ।

बेसिक आईस्याडो

आँखालाई सुन्दर देखाउनका लागि ब्यूटी किटमा बेसिक आइस्याडो पनि अनिवार्य रुपले राख्नुपर्छ । मेकअपका लागि धेरै प्रकारका सेड्सहरु बोकिरहनु पर्दैन, केही आधारभुत रंगका आईस्याडो आफूसँग राख्न सकिन्छ । त्यस्ता आई स्याडोहरु हरेक अवसरमा प्रयोग गर्न सकिन्छ ।

ओठका लागि

ब्यूटी किटमा ओठलाई सुन्दर बनाउनका लागि लिपस्टिक, लिप लाइनर तथा लिप बाम राख्नुपर्छ । नयाँ दुलहीले त रातो, मरुन तथा खैरो रंगका लिप कलर पनि राख्नुपर्छ । लिपस्टिक लगाउनुभन्दा पहिला लिप लाइनर लगाउनुपर्छ । त्यसले लिपस्टिक फैलन पाउँदैन ।

जेल आईलाइनर पेन्सिल

नयाँ दुलहीले विभिन्न धार्मिक कार्यहरु तथा रीतिरिवाजहरुमा समेत सहभागी भईरहनुपर्छ । त्यस्तो बेला आफूसँग जेल आईलाइनर पेन्सिल राख्नु राम्रो मानिन्छ । त्यसले तपाईंले केही सेकेण्डमै सजिलैसँग आँखामा लाइन लगाउन सक्नुहुन्छ ।

नेल पेन्ट

दुलहीको हात तथा खुट्टामा रातो रंगको नङ पालिस नै राम्रो देखिन्छ । त्यस्तो बेला रातो रंगको नङ पालिसलाई तपाईंले आफ्नो मेकअप बक्समा सधैं राख्नुपर्छ । यो प्रशाधन तपाईंको देखाईको लागि पनि निकै आवश्यक हुन्छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?