जेनजी विद्रोहको भाव समेट्दै मुकेश श्रेष्ठको ‘भैरवभाव’ प्रदर्शनी

News Summary

Generated by OK AI. Editorially reviewed.

कलाकार मुकेश श्रेष्ठको आठौँ एकल चित्रकला प्रदर्शनी \'भैरवभाव\' दरबारमार्गस्थित ग्यालरी १०८ मा सुरु भएको छ।

९ पुस, काठमाडौं । कलाकार मुकेश श्रेष्ठको आठौँ एकल चित्रकला प्रदर्शनी ‘भैरवभाव’ सुरु भएको छ । दरबारमार्गस्थित ग्यालरी १०८ मा उपत्यकाका विभिन्न स्थानमा स्थापित रक्षा र न्यायका देवता ‘भैरव’का विविध स्वरूपहरूलाई समेटेर यस प्रदर्शनी सुरु भएको हो ।

कलाकार श्रेष्ठका अनुसार यस ‘भैरव शृङ्खला’ को जन्म गत भदौ २३ र २४ गते सुशासनको माग गर्दै भएको जेनजी विद्रोहको पृष्ठभूमिमा भएको हो । भ्रष्टाचार विरोधी आन्दोलनमा भएको मानवीय तथा भौतिक क्षतिको पीडा र युवा जमातले खोजेको न्यायपूर्ण व्यवस्थालाई उनले भैरवको स्वरूपसँग तुलना गरेका छन् । जुन यस प्रदर्शनीमा हेर्न सकिने छ ।

जेनजी विद्रोहपछि नेपाली युवाले चाहेको पारदर्शी र जवाफदेही व्यवस्थाका लागि समय (काल) अनुसार न्याय गर्ने देवता भैरव हुन् भन्ने अठोटका साथ यो शृङ्खलामा काम गरेको कलाकार श्रेष्ठको भनाइ छ ।

प्रदर्शनीमा कालभैरव, बाघभैरव, आकाशभैरव, उन्मत्तभैरव, बटुकभैरव, कीर्तिमुखभैरव र श्वेतभैरवका साथै उमामहेश्वरको चित्रकला समावेश छन् । प्रदर्शनी ३१ जनावरीसम्म हेर्न सकिनेछ ।