Comments Add Comment

बुल्गेरियामाथि इंग्ल्यान्डको प्रभावशाली जित

Photo Credit : यूईएफए

२८ असोज, काठमाडौं । युरोकप छनोटमा इंग्ल्यान्डले बुल्गेरियामाथि ६-० गोलको फराकिलो जित निकालेको छ । सोमबार राति समूह ‘ए’ को खेलमा घरेलु टोली बुल्गेरियामाथि इंग्ल्यान्डले फराकिलो जित निकालेको हो ।

इंग्ल्यान्डको जितमा रोस बार्कली र रहिम स्टर्लिङले समान २-२ गोल गरे । त्यस्तै, कप्तान हृयारी केन र मार्कुस राष्फोर्डले समान १-१ गोल गरे ।

पहिलो हाफमा चार गोल गरेको इंग्ल्यान्डले दोस्रो हाफमा थप दुई गोल गर्न सफल भयो । यो जितसँगै इंग्ल्यान्डले ६ खेलबाट पाँच खेलमा जित र एक खेलमा हारसहित १५ अंक बनाएको छ । पराजित बुल्गेरिया भने सात खेलमध्ये तीन खेलमा बराबरी र चार खेलमा हारसहित तीन अंक बनाएर समूह ‘ए’ को पुछारमा छ ।

सोमबार राति नै भएको अर्को खेलमा कोसोभोले मोन्टेनेग्रोलाई २-० गोलअन्तरले पराजित गरेको छ ।

यो खबर पढेर तपाईलाई कस्तो महसुस भयो ?

Advertisment