४ कात्तिक, राजविराज । प्रहरीले सप्तरीको राजविराजस्थित नेताचोकबाट बेवारिसे अवस्थामा पाँच बोरा पटाका बरामद गरेको छ ।
जिल्ला प्रहरी कार्यालय सप्तरीको टोलीले विभिन्न ब्राण्डका पाँच बोरा पटाकाहरु बरामद गरेको र बरामद पटाकाको मूल्य अन्दाजी एक लाख ५० हजार रुपैयाँ बराबर रहेको प्रहरी नायब उपरीक्षक तिलक भारतीले जानकारी दिए ।
बेवारिसे अवस्थामा लुकाइएको पटाकाहरु विशेष सूचनाको आधारमा बरामद गरिएको र ती पटाकालाई जिल्ला प्रहरी कार्यालयमा नष्ट गरिने तयारी भइरहेको प्रहरीले जनाएको छ ।
यसैबीच सप्तरीको बोदेबरसाइन नगरपालिकाकास्थित खेतबारीमा अवैधरूपमा लगाइएका साँत सय बोट गाँजा प्रहरीले फडानी गरेको छ ।
