७ कात्तिक, काठमाडौं । भारतको हरियाणा र महाराष्ट्र विधानसभा गठनका लागि भएको चुनावको मत गणना जारी छ ।
प्रारम्भिक मत परिणामले हरियाणामा भारतीय जनता पार्टी (भाजपा) लाई झट्का दिएको छ भने महाराष्ट्रमा पनि उसको प्रदर्शन सन्तोषजनक छैन ।
२८८ सिटको महाराष्ट्रमा भाजपा गठबन्धन १६२ सिट (भाजपा १०२ र शिवसेना ५९) मा अगाडि छ । अगाडि छ । कांग्रेस गठबन्धन १०० सिट ( भारतीय कांग्रेस ४४ र राष्ट्रिय कांग्रेस ५६) मा अगाडि छ ।
महाराष्ट्रमा हाल भाजपा–शिवसेनाको सरकार छ । यो चुनावले उसको सिट संख्या घट्ने देखाएको छ ।
हरियाणामा भने भाजपालाई झट्का लागेको छ । भाजपा गठबन्धन ३६ र कांग्रेस गठबन्धन ३५ सिटमा अगाडि छ ।
९० सिटको विधानसभामा हाल भाजपाको सरकार छ । तर चुनावी परिणामले उसलाई ठूलो दलमा मात्र सिमित राख्ने देखिन्छ ।
