७ कात्तिक, काठमाडौं । आयोजक यूएईले आईसीसी टी–२० विश्वकप छनोट क्रिकेटमा नाइजेरियालाई पराजित गरेको छ ।
आज भएको समूह ‘बी’ को खेलमा नाइजेरियामाथि यूएईले पाँच विकेटको सहज जित निकालेको हो । ११२ रनको चुनौती पछ्याउँदै ब्याटिङ गरेको यूएईले १२.३ ओभरमा नै पाँच विकेटको क्षतिमा लक्ष्य पूरा गर्यो ।
यूएईलाई जिताउन जवार फरिदले ५५ र मोहम्मद उस्मानले २० रन बनाए ।
राजधानी अबुधावीमा भएको खेलमा टस हारेर पहिले ब्याटिङ गरेको नाइजेरियाले २० ओभरमा ३ विकेटको क्षतिमा १११ रन बनाएको थियो । सेसन एडेडेजीले अविजित ५१ रन बनाउँदा चिमेजी अनवुजुलिकले अविजित ४६ रन बनाए ।
त्यस्तै, समूह ‘बी’ कै अर्को खेलमा हङकङले क्यानाडालाई ३२ रनले पराजित गरेको छ । १५१ रनको लक्ष्य पछ्याउँदै ब्याटिङ गरेको क्यानाडाले निर्धारित ओभरमा ९ विकेटको क्षतिमा ११८ रन मात्रै बनाउन सक्यो ।
यसअघि पहिले ब्याटिङ गरेको हङकङले सात विकेटको क्षतिमा १५० रन बनाएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4