१९ कात्तिक, काठमाडौं । उपत्यकाको विभिन्न क्षेत्रमा प्रदुषण फैलाएको आरोपमा तीन जना पक्राउ परेका छन् । पक्राउ पर्नेमा फेसल मुस्लिम, साजित मुस्लिम र रजिश शेर्पा छन् ।
भैंसी, राँगाको हड्डी र रौं पोलेर दुर्गन्ध फैलाएको भेटिएपछि मंगलबार दिउँसो उनीहरुलाई सातदोबाटोबाट पक्राउ गरिएको ललितपुर प्रहरी परिसर, जावलाखेलका प्रमुख एसएसपी टेकप्रसाद राईले अनलाइनखबरलाई बताए ।
केही दिनयता ललितपुर र काठमाडौंका विभिन्न क्षेत्रबाट रातको समयमा अस्वाभिक रुपमा दुर्गन्ध आइरहेको सर्वसाधारणको गुनासो थियो ।
