२१ कात्तिक, काठमाडौं । म्यानमारविरुद्धको मैत्रीपूर्ण फुटबल खेलमा नेपाल पराजित भएको छ ।
घरेलु टोली म्यानमारसँग बिहीबार भएको खेलमा नेपाल ३–० गोलअन्तरले पराजित भएको हो । पहिलो हाफमा २–० गोलको अग्रता बनाएको म्यानमारले दोस्रो हाफमा थप एक गोल गरेको हो ।
म्यानमारका लागि खेलको तेस्रो मिनेटमा नै म्यीन्ट तुन अउङले गोल गर्दै अग्रता दिलाएका थिए । पहिलो हाफको अन्तिम समयमा डेभिड हटनले गोल गरेपछि नेपाल २–० गोलले पछि परेको थियो ।
खेलको ६९ औं मिनेटमा म्यानमारले फेरि गोल गर्दै ३–० गोलको जित हात पारेको हो ।
विश्वकप छनोटको दोस्रो चरणको कुवेतविरुद्धको खेलको लागि तयारी स्वरुप खेलेको मैत्रीपूर्ण खेलमा नेपालले निकै निराशाजनक प्रदर्शन गरेको हो । नेपालले मंसिर तीनमा कुवेतविरुद्ध प्रतिस्पर्धा गर्दैछ ।