२३ कात्तिक, बुटवल । आयोजक सयपत्री युवा क्लब चौथो सयपत्री गोल्डकप नकआउट फुटबलका सेमिफाइनलमा प्रवेश गरेको छ ।
शनिबार भएको खेलमा पाल्पा ११ लाई लाई २-१ गोल अन्तरले पराजित गर्दै आयोजक अन्तिम चारमा पुगेको हो । रामनगर खेलमैदानमा भएको प्रतिस्पर्धात्मक खेलमा पाल्पाका सुस्मित केसीले २० औं मिनेटमा गोल गर्दै टिमलाई अग्रता लिएका थिए । तर यो अग्रता जोगाउन सकेन ।
पहिलो हाफको अन्त्यतिर सयपत्रीका सूर्य थापाले बराबरी गोल गरे । खेलको ८४ औ मिनेटमासरोज योन्जनले विजयी गोल गरे । खेलमा उनी म्यान अफ दी म्याच घोषित भएका छन् ।
