काठमाडौं । चेल्सीले प्रिमियर लिगमा लगातार छैटौं जित हात पारेको छ । २०१६-१७ को उपाधि जितेको सिजनपछि पहिलो पटक लगातार छैटौं जित हात पारेको चेल्सी लिगको दोस्रो सथानमा उक्लिएको छ ।
शनिबार भएको खेलमा चेल्सीले क्रिस्टल प्यालेसलाई २-० ले हराएको हो ।
घरेलु मैदान स्टामफोर्ड ब्रिजमा भएको खेलको पहिलो हाफ भने बराबरीमा रोकिएको थियो । तर दोस्रो हाफको सुरुमा नै टामी अब्राहमले गोल गरे । ७९ औं मिनेटमा पुलिसिकले गोल गरेपछि चेल्सीको जित पक्का भयो ।
जितसँगै चेल्सीको १२ खेलबाट २६ अंक भएको छ र म्यानचेष्टर सिटीलाई उछिनेको छ । यद्यपि २५ अंक जोडेको उसले एक खेल कम खेलेको छ ।
