२४ कात्तिक, काठमाडौं । अफगानिस्तानसँगको एकदिवसीय क्रिकेट सिरिज वेष्ट इन्डिजले जितेको छ ।
दोस्रो एकदिवसीय खेलमा अफगानिस्तानलाई ४७ रनले पराजित गर्दै वेष्ट इन्डिजले एक खेलअघि नै सिरिज आफ्नो पक्षमा पारेको हो । २४८ रनको चुनौती पछ्याउँदै ब्याटिङ गरेको अफगानिस्तानले ४५.४ ओभरमा सबै विकेटको क्षतिमा २०० रन मात्रै बनाउन सक्यो ।
अफगानिस्तानका लागि नजिबउल्लाह जाड्रानले ५६ रन बनाए । त्यस्तै, रहमत शाहले ३३ र मोहम्मद नावीले ३२ रन बनाएका थिए ।
यसअघि टस हारेर पहिले ब्याटिङ गरेको वेष्ट इन्डिजले निर्धारित ५० ओभरमा ९ विकेटको क्षतिमा २४७ रन बनाएका थिए । उसका लागि निकोलस पुरनले ६७, इभिन लेविसले ५४ र साई होपले ४३ रनको योगदान दिए । बलिङतर्फ नभिन उर हकले तीन विकेट लिए ।
