२४ कात्तिक, काठमाडौं । प्रथम एसियन सेन्ट्रल जोन महिला भलिबल च्याम्पियनसिपमा नेपालले अफगानिस्तानलाई पराजित गरेको छ ।
बंगलादेशको ढाकामा आइतबार भएको आफ्नो पहिलो खेलमा नेपालले अफगानिस्तानलाई २५–४, २५–९ र २५–६ को सोझो सेटमा हराएको हो ।
अरुणा शाहीको कप्तानीमा पहिलो पटक मैदानमा उत्रिएको नेपालले पहिलो खेलमा नै राम्रो सुरुवात गरेको छ ।
नेपालले दोस्रो खेलमा सोमबार किर्गिस्तानसँग प्रतिस्पर्धा गर्नेछ ।
प्रतियोगितामा आयोजक बंगलादेशसँगै नेपाल, किर्गिस्तान, अफगानिस्तान र माल्दिभ्स सहभागी छन् ।
