२८ कात्तिक, काठमाडौं । पाकिस्तानले २००९ पछि पहिलो पटक घरेलु मैदानमा टेष्ट खेल्ने भएको छ । डिसेम्बरमा श्रलिंकाविरुद्ध दुई टेष्ट म्याच घोषणा भएसँगै पाकिस्तानमा टेष्ट म्याच पक्का भएको हो ।
१० वर्षअघि लाहोरमा श्रीलंकन क्रिकेट टिमको बसमा आक्रमण भएपछि पाकिस्तानले घरेलु मैदानमा टेष्ट खेलेको छैन । उक्त घटनामा ६ पाकिस्तानी प्रहरी र दुई सार्वसाधारणको मृत्यु भएको थियो भने श्रीलंकन टिमका एक सदस्य घाइते भएका थिए ।
अहिले हुन लागेको पाकिस्तान र श्रीलंकाको खेल भने विश्व टेष्ट च्याम्पियनसिप अन्तरगत हुन लागेको हो । पहिलो टेष्ट रावलपिण्डीमा ११ देखि १५ डिसेम्बरमा हुनेछ भने दोस्रो कराचीमा १९ डिसेम्बरबाट सुरु हुनेछ ।
