१० मंसिर, कैलाली । सुदूरपश्चिम महोत्सवको १४ औं सस्करणको आगामी मंसिर २२ गतेबाट सुरु हुने भएको छ ।
कैलाली उद्योग बाणिज्य संघले मंगलबार पत्रकार सम्मेलनको आयोजना गरी आगामी मंसिर २२ गतेदेखि पुष २ गतेसम्म महोत्सव आयोजना हुने जानकारी गराएको हो ।
महोत्सवको लागि तयारी तीव्र पारिएको भन्दै उद्योग बाणिज्य संघका अध्यक्ष पुष्पराज कुँवरले महोत्सवलाई व्यवस्थित पार्नका लागि विभिन्न उपसमितिहरु समेत गठन भइसकेको बताए ।
३ सय ओटा स्टलहरु रहने महोत्सवमा स्थानीय कला, संस्कृति तथा खानाका परिकारहरुका साथै स्थानीय उत्पादनलाई प्राथमिकतामा राखिएको कुँवरले जानकारी दिए ।
‘समृद्ध सुदुरपश्चिमका लागि : आर्थिक समृद्धि’ भन्ने मुल नाराका साथ कैलाली उद्योग वाणिज्य संघले २०६३ सालदेखि हरेक वर्ष महोत्सव आयोजना गर्दै आइरहेको छ ।
