११ मंसिर, काठमाडौं । १३ औं दक्षिण एसियाली खेलकुद (साग) मा सात देशबाट कुल २ हजार ९ सय १० खेलाडीले प्रतिस्पर्धा गर्ने भएका छन् । राष्ट्रिय टिम तयारी समितिले सागमा सहभागी ७ राष्ट्रबाट २६ खेलका लागि २ हजार ९ सय १० खेलाडीको सहभागिता रहने जनाएको छ ।
समितिका अनुसार ७ सय ६९ अफिसियल सहभागी हुनेछन् । खेलाडी र अफिसियल गरी कूल ३ हजार ६ सष ७९ जना सहभागि हुनेछन् ।
मंसिर १५ देखि २४ सम्म काठमाडौं पोखरा र जनकपुरमा सागका विभिन्न खेलहरु हुनेछन् । भलिबलतर्फका खेलहरु भने मंसिर ११ देखि नै शुरु हुँदैछ ।
१३ औं सागमा नेपालबाट सर्वाधिक धेरै खेलाडी सहभागी हुनेछन् । नेपालबाट ५ सय ९४ खेलाडी र १ सय ८६ अफिसियल सहभागी हुनेछन् ।
यस्तै श्रीलंकाबाट ५ सय ५६ खेलाडी र १ सय ८६ अफिसियल, भारतबाट ५ सय ३५ खेलाडी र १ सय ६७ अफिसियल, बंगलादेशबाट ४ सय ७८ खेलाडी र १ सय ४७ अफिसियल, पाकिस्तानबाट ३ सय ७८ खेलाडी र १ सय ५ अफिसियल सहभागी हुनेछन् ।
त्यस्तै माल्दिभ्सबाट २ सय ५२ खेलाडी र ६८ अफिसियल तथा भुटानबाट १ सय १७ खेलाडी र २७ अफिसियलले सहभागिता जनाउने छन् ।
सागमा कुल ३१७ स्वर्ण, ३१७ रजत र ४८१ कास्य पदकका लागि प्रतिस्पर्धा हुँदैछ । तेस्रो पटक नेपालमा साग आयोजना हुँदैछ ।
१३ औं सागमा कुन देशको कति खेलाडी ?
१ नेपाल – खेलाडी ५९४ अफिसियल १८६
२ श्रीलंका – खेलाडी ५५६ अफिसियल – १८३
३ भारत – खेलाडी ५३५ अफिसयल – १६७
४ बङ्लादेश – खेलाडी – ४७८ अफिसियल – १४७
५ पाकिस्तान – खेलाडी ३७८ अफिसियल – १०५
६ मालदिभस – खेलाडी २५२ अफिसियल ६८
७ भुटान – खेलाडी ११७ अफिसयल २७
जम्मा खेलाडीहरु : २९१०
अफिसियल : ७६९
कूल सहभागी : ३६७९