१२ मंसिर, काठमाडौं । १३ औं दक्षिण एसियाली खेलकुद (साग) अन्तर्गत क्रिकेट खेल हेर्न टिकट दर २ सय र ५ सय रुपैयाँ तोकिएको छ । काठमाडौंको कीर्तिपुर मैदानमा हुने पुरुष क्रिकेटका खेल हेर्न २ सय र ५ सय रुपैयाँको टिकट तोकिएको छ ।
नेपालको खेल भएको दिन ५ सय र अरु दिन २ सय रुपैयाँको टिकट व्यवस्था गरिएको राष्ट्रिय खेलकुद परिषदले जनाएको छ ।
पुरुष क्रिकेटका खेल मंसिर १७ देखि २४ गतेसम्म सञ्चालन हुनेछ । पहिलो खेलमा नेपालले श्रीलंकाको २३ वर्षमुनिको टोलीसँग प्रतिस्पर्धा गर्नेछ ।
पुरुष क्रिकेटमा बंगलादेशको यु २३ टिम, भुटान, माल्दिभ्स नेपाल र श्रीलंकाको यु २३ टिम सहभागी छ । पुरुष क्रिकेटमा भारत र पाकिस्तानले सहभागिता जनाएनन् । महिला क्रिकेटका खेलहरु भने पोखरामा हुनेछ ।
