१६ मंसिर, काठमाडौं । ला लिगाअन्तर्गत आइतबार राति भएको खेलमा बार्सिलोनाले एट्लेटिको मड्रिडलाई १–० ले पराजित गरेको छ।
कप्तान लिओनल मेस्सीले ८६औं मिनेटमा निर्णायक गोल गर्दै बार्सिलोनालाई जित दिलाएका हुन् ।
जितपछि बार्सिलोना १४ खेलबाट ३१ अंक जोड्दै अंक तालिकाको शीर्ष स्थानमा उक्लेको छ। रियल मड्रिडको पनि समान खेलबाट ३१ अंक नै छ ।
तर गोलअन्तरमा दोस्रो स्थानमा छ । एट्लेटिको १५ खेलबाट २५ अंकसहित छैटौं स्थानमा छ।