२०७६ मंसिर २७ गते १२:५७ 
२७ मंसिर, काठमाडौं । भेट्रान फरवार्ड अनिल गुरुङ झण्डै डेढ दशकपछि ब्रिगेड ब्वाईज क्लब (बीबीसी)मा फर्किएका छन् ।
बीबीसीले यो सिजनको शहीद स्मारक ए डिभिजन लिगका लागि अनिललाई अनुबन्ध गरेको छ र कप्तानको जिम्मेवारी दिएको छ ।
पोखराको सहारा क्लबबाट फुटबल करियर सुरु गरेका अनिलले २०६२ सालमा बीबीसीबाटै ए डिभिजन लिगमा डेब्यू गरेका थिए ।
अनिलले गत सिजन थ्री स्टार क्लबबाट ‘ए’ डिभिजन लिग खेलेका थिए । त्यसअघि अनिलले मनाङ मर्स्याङ्दी क्लबबाट पनि खेलेका थिए । भारतीय आई लिग क्लब हिलोङ लाजोङबाट पनि खेलेका थिए ।
ए डिभिजन लिग २०७६ को उद्घाटन खेलमा बीबीसीले राष्ट्रिय खेलाडीहरुले भरिएको मछिन्द्र क्लबसँग खेल्नेछ । मछिन्द्रले राष्ट्रिय टिमका अर्का पूर्वकप्तान विराज महर्जनको कप्तानीमा टोली घोषणा गरिसकेको छ ।
खेल त्रिपुरेश्वरस्थित दशरथ रंगशालामा हुनेछ ।
प्रतिक्रिया 4