यो बर्षको ‘मिस वर्ल्ड’मा नेपालकी सुन्दरी अनुष्का श्रेष्ठ उत्कृष्ट १२ सम्म पुग्न सफल भएकी छिन् । फाइनल चरणमा भने उनी प्रवेश गर्न सकिनन् ।
अनुष्काको यात्रा उत्कृष्ट १२ मा पुगेर सकिएको छ । लण्डनमा अहिले विश्व सुन्दरी प्रतियोगीता आयोजना भैरहेको छ । जसमा, अन्तिम ५ मा नाइजेरिया, भारत, ब्राजिल, जमैका र ब्राजिलका सुन्दरी प्रवेश गरेका छन् ।
नेपालको प्रतिनिधिन्त गर्दै विश्व सुन्दरी प्रतियोगीतामा भाग लिन पुगेकी अनुष्काले यसपटक ताज जित्ने आशा राखेकी थिइन् । उनले, ‘मल्टिमिडिया अवार्ड’ पनि जितेकी थिइन् । तर, उनी अन्तिम ५ मा प्रवेश गर्न नसक्दा नेपालको ‘मिस वर्ल्ड’ जित्ने अपेक्षा सकिएको छ ।
