२०७६ मंसिर ३० गते १७:१८ 
३० मंसिर, काठमाडौं । च्याम्पियन्स लिग फुटबलको नकआउट चरणमा म्यानचेष्टर सिटीले रियल मड्रिड प्रतिद्वन्द्वी पाएको छ ।
सोमबार भएको ड्रमा साविकको विजेता लिभरपुलले स्पेनिस क्लब एथ्लेटिको प्रतिद्वन्द्वी पाएको छ । यस्तै चेल्सीले बार्यन म्युनिख र टोटनहृयामले लिपिङसँग खेल्नेछन् ।
बार्सिलोनाले नापोली र भ्यालेन्सियाले एटलान्टा प्रतिद्वन्द्वी पाएका छन् भने पेरिस सेन्ट जर्मेनले बोरुसिया डर्टमण्ड र युभेन्टसले लायनसँग खेल्नुपर्ने भएको छ ।
पहिलो लेग १८, १९, २५ र २६ फेब्रुअरीमा हुने छ भने दोस्रो लेग १०, ११, १७ र १८ मार्चमा हुनेछ ।
यो सिजनको फाइनल भने ३० मेमा इस्तानबुलमा हुनेछ । यो त्यही मैदानमा हो, जहाँ २००५ मा लिभरपुलले एसी मिलानलाई हराएर उपाधि जितेको थियो ।
प्रतिक्रिया 4