३० मंसिर, काठमाडौं । नेशनल बैंकिङ्ग इन्स्टिटच्यूट लिमिटेडको प्रमुख कार्यकारी अधिकृतमा कुमार लम्साल नियुक्त भएका छन् ।
इन्टिच्यूटको सञ्चालक समितिले सोमवारदेखि नै लागू हुने गरी पूर्बबैंकर लम्साललाई प्रमुख कार्यकारी अधिकृतको रुपमा नियुक्ति दिएको हो ।
लम्साल बैंकिङ्ग क्षेत्रका अनुभवी व्यक्ति हुन् । सानिमा बैंक, प्रभु बैंक, जनता बैंक नेपाल लगायतका बैंकको प्रमुख कार्यकारी अधिकृत भइसकेका लम्सालले बैंकिङ क्षेत्रमा दुई दशक भन्दा लामो समय बैंकिङ क्षेत्रमा बिताएका छन् ।
पछिल्लो समय जनता बैंकको प्रमुख कार्यकारी अधिकृतको कार्यकाल पश्चात उनले बैंकिङ्ग क्षेत्रमा विशेष गरी क्रेडिट विषयको प्रशिक्षकको रुपमा योगदान पुर्याउँदै आएका थिए ।