भलै अमेरिकी चुनावमा ह्याकिङ्ग गरेको आरोप रूसमाथि लाग्ने गरेको छ । तर रूसका राष्ट्रपति भ्लादमिर पुटिनचाहिँ साइबर सुरक्षाको मामिलामा निकै पछि रहेको खुलासा भएको छ ।
पुटिनले क्रेम्लिनस्थित आफ्नो कार्यालयमा रहेको पर्सनल कम्प्युटरमा अहिले पनि १८ वर्ष पुरानो अपरेटिङ्ग सिस्टम विन्डोज एक्स्पीको प्रयोग गरिरहेका छन् ।
रूसको न्युजसाइट ओपन मेडियाले यस्तो दाबी गरेको हो । रूसी राष्ट्रपतिको कार्यालयबाट जारी गरिएको एक तस्वीरको आधारमा यस्तो दाबी गरिएको हो ।
के हो त्यो तस्वीर ?
यस तस्वीरमा पुटिन आफ्नो कुर्सीमा बसिरहेका छन् । टेबुलमा उनको कम्प्युटर राखिएको छ जसमा राष्ट्रपति कार्यालयको तस्वीर स्क्रिनको पृष्ठभूमिमा रहेको छ ।
उक्त तस्वीरको जाँचका लागि ओपन मिडियाले रूसको स्वतन्त्र इन्टरनेट सुरक्षा सोसाइटीका प्रमुख मिखाइल कलिमारेभसँग कुरा गरे । मिखाइलले समेत पुटिनको उक्त कम्प्युटर प्रणालीमा विन्डोज एक्स्पी प्रयोग भएको पुष्टि गरेका छन् । स्मरणरहोस् माइक्रोसफ्टले सन् २००१ मा विन्डोज एक्स्पी लञ्च गरेको थियो । सन् २०१४ देखि त विन्डोज एक्स्पीमा सेक्योरिटी अपडेट दिनसमेत बन्द गरिएको छ ।
असुरक्षित अपरेटिङ सिस्टम किन प्रयोग गर्दछन् ?
माइक्रोसफ्टका अनुसार सेक्योरिटी अपडेट नदिइने यस्तो विन्डोज एक्स्पी अपरेटिङ सिस्टममा पछिल्ला अपरेटिङ सिस्टमको तुलनामा भाइरस तथा ह्याकिङको खतरा बढी हुन्छ । साइबर सुरक्षाको मामिलामा यतिधेरै जोखिम हुँदा पनि आखिर पुटिनले किन यसको प्रयोग गरिरहेका छन् त ?
वास्तवमा यसको एउटा खास कारण छ । किनकि विन्डोज एक्स्पीपछि माइक्रोसफ्टले ल्याएका कुनैपनि अपरेटिङ सिस्टमले सेक्रेट डिफेन्स सर्टिफिकेसन प्राप्त गर्न सकेका छैनन् ।
एजेन्सीको सहयोगमा
