विश्वमा अहिले १ सय ९३ देश छन् । यीमध्ये रुस सबैभन्दा ठूलो देश हो, जुन निकै विशाल छ । तर पृथ्वीमा केही देश त्यस्ता पनि छन् जो निकै साना छन् । तीमध्ये धेरैको नाम तपाईंले अहिलेसम्म नसुन्नुभएको पनि हुनसक्छ । विश्वका सबैभन्दा साना ५ देश यस्ता छन्ः
१. भ्याटिकन सिटी : यो विश्वको सबैभन्दा सानो देश हो । जसको क्षेत्रफल जम्मा १ सय एकड अर्थात् ०.४४ वर्ग किलोमिटर रहेको छ । यो देश चारैतर्फ इटालीको रोमले घेरिएको छ ।
यो देशमा विश्वकै सबैभन्दा ठूलो क्याथोलिक चर्च छ ।
यो देशमा एकमात्र रेल लाइन छ । १.२७ किलोमिटर लामो यो रेल लाइन विश्वकै सबैभन्दा छोटो रेललाइन पनि हो ।
२. मोनाको : विश्वको दोस्रो सानो देश मोनाको २.२ वर्ग किलोमिटर क्षेत्रफलमा फैलिएको छ । निकै सानो हुनुका बाबजुत ४० हजार जनसंख्या भएको यो देश विश्वका धनी देशमध्येमा पर्दछ । यहाँका अधिकांश मानिस करोडपति छन् ।
३. नाउरु : २१ वर्ग किलोमिटर क्षेत्रफलमा फैलिएको नाउरुको जनसंख्या झण्डै ९ हजार छ । यो देश नरिवल उत्पादनको हव नै मानिन्छ ।
४. टुभालु : यो देश प्रशान्त महासागरस्थित हवाई र अष्ट्रेलियाको बीचमा रहेको एक टापु देश हो । चारवटा टापु मिलेर बनेको यो देशको जनसंख्या १२ हजार छ । यो देशको क्षेत्रफल २६ वर्ग किलोमिटर रहेको छ ।
५. सानमारिनो : विश्वको पाँचौं सानो देश सानमारिनोको क्षेत्रफल ६१ वर्ग किलोमिटर र जनसंख्या ३० हजार छ । यो देश चारै तर्फबाट इटालीले घेरिएको छ । यो युरोपको सबैभन्दा प्राचीन गणतन्त्र भनिन्छ जसको स्थापना ३०१ इस्वी सम्वत्मा भएको थियो ।
एजेन्सीको सहयोगमा
