७ माघ, काठमाडौं । प्रहरीले प्रतिबन्धित नेत्रविक्रम चन्द नेतृत्वको विप्लव समूहका एक जना नेतालाई पक्राउ गरेको छ ।
पक्राउ पर्नेमा सिन्धुपाल्चोक मेलम्ची–९ का ४४ वर्षीय भुवनसिंह तामाङ छन् ।
जिल्ला प्रहरी कार्यालय भक्तपुरका डीएसपी कुमारविक्रम थापाका अनुसार नयाँ थिमिमा स्थानीय व्यापारीलाई धम्क्याएर चन्दा असुली गरेर हिँडिरहेको सूचनाको आधारमा तामाङलाई पक्राउ गरिएको हो ।
थापाका अनुसार तामाङ सिन्धुपाल्चोकका जिल्ला सेक्रेटरी हुन् । उनीमाथि अभद्र व्यवहार सम्बन्धी कसुरमा म्याद थप गरेर अनुसन्धान भइरहेको जनाइएको छ ।
