युएई । युएईमा लरीको ठक्करबाट एक नेपालीको मृत्यु भएको छ । मृत्यु हुनेमा दार्चुलाका रमेश कामी रहेको युएइको आबुधाबीस्थित नेपाली दूतावासले जनाएको छ ।
ओमानबाट युएई आउँदै गरेको लरीले हत्ता भन्ने स्थानमा उनलाई ठक्कर दिएको थियो । प्रत्यक्षदर्शी प्रमोद तामाङका अनुसार उनको घट्नास्थलमै मृत्यु भएको हो ।
रमेश सरसफाइ सम्बन्धी काम गर्ने कम्पनीमा कार्यरत थिए । घटना शनिबार भएको हो ।
रमेशको शव नेपाल फर्काउने र कम्पनीबाट पाउने सेवासुविधालगायतका बारे दूतावासले कम्पनी र स्थानीय निकायसँग समन्वय गर्न दूतावासका जनसम्पर्क अधिकृत खटाएको जनाएको छ ।
