लामो समयदेखि सुनसान रहेको नेपाली चलचित्र यो सातादेखि भने केही चलायमान हुने अपेक्षा गरिएको छ । आज शुक्रबारदेखि नयाँ चलचित्र ‘दि कर्मा’ रिलिज भएको छ । योसँगै अब हरेक हप्ता नयाँ चलचित्र रिलिज हुनेछन् ।
आजबाट देवकुमार श्रेष्ठको निर्देशनमा तयार भएको चलचित्र ‘दि कर्मा’ रिलिज भएको छ । यो चलचित्रमा परमिता आरएल राणा, नीता ढुंगाना, करण वर्मा, वुद्दि तामाङ लगायतका कलाकारको मुख्य भूमिका छ ।
चलचित्रमा परमिता र वुद्दि खलपात्रको भूमिकामा देखिएका छन् । नीता र करण वर्माको एक्सनले दर्शकलाई उत्साहित बनाउन सक्छ । चलचित्र ‘दि कर्मा’ले नेपाल र भारतको सिमानामा हुने अपराधको घटनालाई प्रस्तुत गरेको छ । चलचित्रको बिहानी शोको व्यापार औषत छ ।
