२०७६ माघ २० गते ९:५२ 
काठमाडौं । युवा खेलाडी अंशु फाटीको कीर्तिमानी गोलमा बार्सिलोना विजयी बनेको छ ।
अंशु फाटीले २ मिनेटको अन्तरमा २ कीर्तिमानी गोल गर्दै लेभान्टेलाई पराजित गरेको हो । योसँगै बार्सिलोनाले शीर्ष स्थानको रियल मड्रिडसँग अंकदूरी छोट्याएको छ।
फाटी ला लिगाको एकै खेलमा २ गोल गर्ने सबैभन्दा कान्छा खेलाडी बनेका छन् । उनले १ मिनेटको अन्तरमा यो कीर्तिमान बनाएका हुन् । दुवै गोलका लागि कप्तान लिओनल मेस्सीले ‘असिस्ट’ गरेका थिए । फाटीले ३० औं र ३१ औं मिनेटमा गोल गरेका थिए । लेभान्टेका लागि इन्जुरी टाइममा रुबेन रोचिनाले गरे ।
जितपछि बार्सिलोनाले २२ खेलबाट ४६ अंक जोडेको छ । समान खेलबाट ४९ अंक जोडेको रियल मड्रिड शीर्ष स्थानमा छ ।
प्रतिक्रिया 4